話甘快就黎左澳洲一年啦, 而家諗返, 真係唔覺有一年甘耐, 回憶返呢一年, 真係可以講係冇白過, 開心野唔多, 但都值得珍藏, 唔開心好多, 但都當係d好寶貴的課程.

識左一班玩得, 吹得, 食得的朋友. 係呢班朋友入面, 有了自己的位置. 唔同的樣, 唔同的性格, 唔同的語言, 唔同的背景. 係佢地身上, 聽到好多唔同的故事, 特別係愛情故事. 佢地冇令我成為愛情專家, 相反, 我覺得佢地先係高手, 因為佢地可以諗一大堆問題, 一大堆已經知道答案的問題. 但係我問的問題, 我自己真係唔知道答案.

同左岩岩黎悉尼所投靠的親戚反面,  同佢冇左連絡, 多謝佢照顧我, 我先知道世界係甘殘酷, 人情冷曖, 令我知道我原來係甘細路仔, 以為係屋企人就一定要照顧我. 不過點都好, 唔係佢我都唔知道點樣係呢個社會到開始生活.

令我成長得最快的都係失戀, 一次失戀把我所有的缺點都搖哂出黎, 從沒試過有呢種感覺, 沒試過有甘樣的痛, 沒試過會為一個女仔, 做甘多傻事. 幸好的係, 得到的比失去的少. 重新認識自己, 認識自己的優點, 唔係佢, 我永遠都係一個唔成熟的細路仔, 唔係佢, 我唔會改變對身邊事物的睇法.

係呢到的一年, 見過的人, 遇到的事, 都對我黎講係好重要.